Digitip - app per persunas allergicas sin pollen

Ils egls brischan, il nas curra, la pel morda....En Svizra patteschan radund dus milliuns persunas d'allergias sin pollen da fluras e plantas. Ussa datti in'applicaziun ch'empermetta da gidar questas persunas: «Ally Science»

Uss è puspè il temp che las undas da pollen sgolan.
Legenda da maletgs: Uss è puspè il temp che las undas da pollen sgolan. keystone

L'app sa numna «Ally Science» ed è il medem mument er in studi. La scol'auta da Berna e l'ospital universitar da Turitg han lantschà l'app per far in dals pli gronds studis fin uss davart allergias da pollens. Cun la app documenteschan ils utilisader lur maldispostadad. Cun sa participar al studi contribueschan els a megliers sistems da preavertiment e terapias per allergichers en l'avegnir.

Redacziun: Hugo Schär