Digitip – Apps che gidan duvrar rests da mangiar

Radund in terz da las victualias en Svizra vegnan sfarlattadas. Numerus projects emprovan da frenar quest svilup. Tranter quels er apps che proponan menus ch'ins sa crear ord rests.

L'app «Myfoodways» propona menus or dals rests ch'èn en frestgera.
Legenda da maletgs: L'app «Myfoodways» propona menus or dals rests ch'èn en frestgera. Scrrenshot «Myfoodways»

I dat numerusas apps cun recepts da cuschinar. Intginas da quellas sustegnan schizunt ins da duvrar ils rests ch'ins ha anc en frastgera. Duas da quellas èn «Zu gut für die Tonne», ina app dal ministeri da sanadad da la Germania e l'app «Myfoodways» d'ina fatschenta svizra. L'idea centrala da las applicaziuns è ch'ins sa inditgar tge ingredienzas ch'ins ha actualmain en frastgera, sin basa da quellas proponan las applicaziuns spisas cun recept. Uschia vulan ellas prevegnir ch'ins dismetta mangiativas.

Autur/a: Selina Chistell