Digitip – Apps per schliar quens ed emprender matematica

Matematica na sto betg far rumpatesta. Il Digitip preschenta quest'emna duas apps che gidan a chapir meglier il rom ed a schliar quens ed equaziuns.

matematica, equaziuns.
Legenda da maletgs: Matematica na sto far rumpatesta. Colourbox

Cun l'app «Photomath» san ins fotografar in quen u in'equaziun – in'uschenumnada Gleichung – e l'app schlia quai per ins. Sper il resultat mussa l'applicaziun er gist ils differents pass ch'èn da far per vegnir a la dretga schliaziun e per tgi che dorva mussa l'app er il graf che tutga tar l'equaziun.

Cun l'app «MATH42» ston ins dar en il quen u l'equaziun via tastatura. Perseutner survegn ins declaraziuns anc pli detagliadas e fundadas tar ils differents pass da schliaziun. L'app porscha ultra da quai ina survista dals differents temas matematics. L'applicaziun è uschia er adattada per emprender matematica sin via autodidactica.

Omaduas apps èn gratuitas. La «MATH42» porscha dentant anc funcziuns supplementaras che custan var 2 euros il mais.

Autur/a: Onna Riedi