Digitip – Apps per turas da velo e viagiar

L'applicaziun «Komoot» recumonda rutas per ir a viagiar, cun mountainbike u velo da vias.

En la regiun Surselva recamonda l'app tranter auter la plattafurma panoramica sur la Ruinaulta.
Legenda da maletgs: En la regiun Surselva recamonda l'app tranter auter la plattafurma panoramica sur la Ruinaulta. Keystone

Ins po eleger la regiun nua ch'ins abitescha u fa vacanzas en Svizra u sur il cunfin (p.ex. Tirol, Guaud Nair), lura survegnan ins recumandaziuns per excursiuns a pe u cun velo. L'app inditgescha l'autezza e lunghezza da la ruta ed er quant fit ch'ins sto esser. Uschia propona l'app rutas ch'ins n'enconuscha anc betg en ina regiun.

Dapli infurmaziuns custan

Igl utilisader sa eleger «sia» regiun sin l'app e survegn là infurmaziuns fitg vastas. Sch'ins less dentant infurmaziuns detagliadas tar pliras regiuns ston ins pajar. Sch'ins less access a tut las rutas che l'app porscha custa quai 27 francs.

Community cun auters utilisaders

Ins po er registrar la ruta ch'ins fa sez e lura parter quella cun auters utilisaders da l'applicaziun. Uschia pon quels per exempel viagiar la medema runda. I dat er la pussaivladad da commentar ina ruta. Uschia datti in barat cun auters viandonts ni velocipedists.

Autur/a: Selina Chistell