Digitip – Arcunar e leger pli tard artitgels

En las duas apps Pocket ed Instapaper pon ins arcunar artitgels online ch'interesseschan ins, per leger pli tard.

Las duas apps sin il visur d'in Iphone.
Legenda da maletgs: RTR, Lea Livers

Enconuschais era vus il problem? Avais chattà in artitgel interessant, ma na nagin temp per gist leger el. Igl è dad ir a la lavur. Intgins dis pli tard han ins lura dapli temp, ins vul leger l'artitgel, ma uss n'è quel betg pli da chattar. Ina schliaziun porschan las duas applicaziuns per il telefonin, Pocket ed Instapaper.

Cun questas duas apps pon ins arcunar tals artitgels ch'èn interessants en in lieu e lura leger quels pli tard, cura ch'ins ha gust e peda. Ma las apps porschan er anc dapli:

  • Sin las apps n'è da vesair nagina reclama, dentant poi er esser ch'i manca ina u l'autra giada in purtret tar l'artitgel.
  • La grondezza da la scrittira pon ins adattar, ed era la colur dal fund pon ins midar per ch'i na tschorvia betg.
  • Las apps han ina funcziun da preleger. Quella na funcziuna dentant na funcziuna quella betg bain cun artitgels rumantschs.

Autur/a: Onna Riedi / Samuel Sossai