Digitip – Cartinas digitalas fan flexibel il lieu d'emprender

Per blers students e scolars stat il temp d'examens davant isch. Ma sch'il sulegl splendura èsi grev da chattar motivaziun per star a chasa ed emprender. Pertge betg ir ad in bel lieu ed emprender là? Ma prender cun tut ils cudeschs vulan ins er betg. Nagin problem: I dat agids digitals.

Ina versiun digitala per cartinas d'emprender.
Legenda da maletgs: Ina versiun digitala per cartinas d'emprender. Pixabay

Cun ina versiun digitala da las cartinas chins enconuscha gia dapi generaziuns sco agid demprender pon ins ussa emprender nua chins vul – e quai senza gronda bagascha. Questas cartinas digitalas pon ins per exempel crear sin Quizlet. Quai dovra in zic temp. Schins ha dentant gia a disposiziun la materia a moda digitala funcziuni dentant er cun copiar. E cura chils sets èn creads pon els lura er vegnir da bun ad auters – schins vul pon ins dar laccess als auters utilisaders. Quizlet lavura sco communitad demprender.

Ina plattafurma – bleras variantas

Cun ils sets demprender han ins lura differentas pussaivladads per emprender: Dasper las cartinas tipicas san ins er lavurar cun ina funcziun da dictar u cun scriver sez la resposta. Damai ideal per emprender vocablas, definiziuns u per trenar lortografia. Cura chins è lura gia avanzà bain cun lemprender datti perfin ina funcziun da test che sumeglia ad in test da scola.

Ed er per chels chemprendan pli gugent a moda termaglianta datti variantas. Uschia pon ins dar a memory, salvar il planet dad asteroids cun respunder gist e lavurar cun maletgs interactivs.
Ed er inautra funcziun pudess motivar ils students e scolars. Quizlet mussa il success demprender e repeta la materia china ha fadia.

Avantatg: Gronda popularitad

Cun Quizlet pon ins damai emprender nua e cura chins vul. E quai perfin gratuit. Sch'ins vul lavurar cun il laptop ston ins simplamain avair access a la rait. Las applicaziuns chi dat per IOS ed Android pon ins perencunter er duvrar offline.

Dasper Quilzlet datti er autras applicaziuns gratuitas. Uschia porscha per exempel er l'applicaziun Card2brain sumegliantas funcziuns – per IOS ed Android. Il grond avantatg da Quizlet è dentant sia popularitad. Cun ina collecziun da 200 milliuns sets d'emprender datti tar bleras materias gia cartinas ed ins spargna il temp da crear sez in set da cartinas.

Naturalmaintg èsi dentant da star attent che quel ch'ha fatg la lavur haja er lavurà conscientamain. I fa damai betg donn da dar in tgit da controlla avant che cumenzar ad emprender.

Autur/a: Nora Baltermia