Digitip – Co evitar che Facebook sa nua ch'jau sun

Facebook para da savair fitg bler sur da nus – schizunt nua ch'ins sa chatta. Quai na plascha dentant betg a tuts. La dumonda è: tge pon ins far?

Betg tuts vulan che Facebook registrescha lur posiziun.
Legenda da maletgs: Betg tuts vulan che Facebook registrescha lur posiziun. Reuters, montascha RTR

La registraziun da la posiziun, ils uschenumnads «Ortungsdienste», u per englais «location services», èn omnipreschents en apps. E quai po avair blers avantatgs, per exempel per la navigaziun GPS. Era l'app da Facebook rimna datas da posiziun dals utilisaders. Tut tenor na vul l'utilisader dentant betg tradir sia posiziun.

Uschia pon ins evitar che Facebook sa nua ch'ins è.

Tar l'emprim start da l'app
Cura ch'ins avra l'app da Facebook l'emprima giada dumonda ella, sch'ella dastga registrar la posiziun. En quest lieu pon ins dir «NA» per evitar che l'app sa nua ch'ins sa chatta.

En l'app
En l'app da Facebook datti giudim in'icona cun trais stritgs in sur l'auter. Lura cliccar giudim dal tut sin «Einstellungen», e suenter en il menu da posiziun tschentar ora quella.

Opziuns generalas dal telefonin
En las opziuns generalas dal telefonin pon ins deactivar la posiziun. Tar ils blers telefonins chatt'ins questas opziuns sut «Einstellungen» e lura «Ortungsdienste». Qua datti era la pussaivladad da be dar a singulas apps la permissiun da registrar la posiziun.

Esser attent!

Circa ina giada al mais guardar las opziuns da sfera privata da Facebook. Quellas pon numnadamain sa midar da temp en temp.