Digitip – Controllar datas d'access: Have I been pwned?

Foras da datas datti adina puspè. Il digitip da quest'emna sa fatschenta cun la dumonda, co ch'ins anfla or, sch'ins è sez pertutgà d'in «leak».

Digitip – Have I been pwned?
Legenda da maletgs: Digitip – Have I been pwned? Keystone

Avant in pèr emnas aveva il «leak» da datas da persunas publicas chaschunà per grondas discussiuns en la Germania. E mintga di datti attatgas da hackers sin bancas da datas. Gartegia ina tala attatga na dura quai betg ditg enfin che quellas datas vegnian publitgadas en l'internet.

Co chattar or sch'ins è pertutgà d'in «leak»?

www.haveibeenpwned.com – ina pagina che rimna datas per che persunas privatas san s'infurmar sch'ellas èn pertutgadas. La pagina è vegnida stgaffida da Troy Hunt, in expert internaziunal per segirezza dad IT e collavuratur da Microsoft. Il sulet intent da la pagina è da sustegnair persunas da chattar or sch'ellas èn pertutgadas d'in enguladitsch da datas u betg.

Quai funcziuna cun dus clicks: dar en l'adressa d'email sin la pagina e smatgar «tschertgar».

Mesiras da precauziun

Midar en in interval regular il pled clav e duvrar differents pleds clav per differentas paginas. Uschia survegnian persunas cun intents maligns bain access sin las datas dal «leak» dentant betg sin il rest dals contos.

Autur/a: Samuel Sossai