Digitip – Cun il traffic public tras l'Europa

Ir da viadi cun traffic public en ulteriurs pajais da l'Europa po esser tut simpel, sch'ins sa, nua chattar bunas colliaziuns ed er gist ils bigliets.

Tren che va sur ina pun en ina citad franzosa.
Legenda da maletgs: Ir cun il traffic public da viadi po esser tut simpel. Colourbox

Per chattar bunas colliaziuns da traffic public datti differentas pussaivladads:

  • Ina simpla varianta è da tschertgar cun google maps ina ruta e selecziunar meds da traffic public. Cun quella varianta survegn ins bunas colliaziuns, dentant na san ins anc betg nua e per tge pretsch cumprar in bigliet. Buna è questa funcziun surtut per chattar colliaziuns da traffic public a curtas distanzas en citads pli grondas.
  • Ina app che porscha in pau dapli service è Omio. Quella mussa colliaziuns da bus e da tren e porscha e porscha er gist la funcziun da cumprar bigliets.
  • In'ulteriura app che porscha ina gronda schelta da colliaziuns da bus e tren è la Rome2Rio. Quella maina ins vinavant tar l'interpresa da traffic public, nua ch'ins po direct cumprar il bigliet.

Tut las variantas èsi er pussaivel dad empruar ora en il browser, uschia ch'ins na sto betg exnum chargiar giu ellas, sch'ins vul mo ina giada empruar ora quellas funcziuns.

Autur/a: Onna Riedi