Digitip – Dar schah online

Schah è in interessant gieu, ins pudess era numnar el il sport dal pensar. Cun l'app chess.com pon ins emprender sulet da dar schah. Ins po leger suenter tut las reglas e strategias ch'i dovra per giugar.

Figuras da schah.
Legenda da maletgs: Schah ê in hobby flexibel: ins po giugar da tut temp e dapertut. Colourbox

Ins numnà il schah il gieu dals retgs. Il gieu fascinescha milliuns sin l'entir mund e vala sco sport denant era sco art.

 I dat plirs motivs pertge ch'ins duess dar schah:

  • Independent da la vegliadetgna – ins po era anc cumenzar da dar schah sco senior, schah colliescha generaziuns.

  • Jogging per il tscharvè – schah vala sco buna metoda da trenar il tscharvè. Era en scolas vul ins promover quest gieu che duai promover il pensar logic.

  • Prender decisiuns – mintga tratga d'ina partida da schah pretenda ina decisiun. Tenor perscrutaders ston ins mintga di prender var 20'000 decisiuns. Pia, schah gida da trair decisiuns e da surprender responsabladad.

  • Concentraziun – cun dar schah pon ins augmentar la concentraziun. Oravant tut per ils uffants è dar schah in fitg bun trenament per augmentar la pezienzia.

  • Hobi flexibel – schah pon ins dar en il tren, sper la mar, en il parc ed i dovra fitg pauc equipament.

Autur/a: Corina Luck