Digitip – Determinar fluras cun Pl@ntNet

Sin spassegiadas en la natira vesins adina puspè bellas fluras u plantas. Co determinar quellas senza purtar en il satgados in lexicon gross? Il Digitip preschenta per quai la app Pl@ntNet.

Ina mattatscha avant in prà da flurs.
Legenda da maletgs: Determinar plantas cun il telefonin. Keystone

Per determinar ina flura ni planta cun la app Pl@ntNet fan ins simplamain ina fotografia dina flura, din fegl, din fritg u dina scorsa ed avra la app. Quella trametta lura in pèr propostas cun fotografia. Da quella elegian ins la dretga e survegn il num latin. Schins clicca sin quel, vegn ins sin in grond dumber da fotografias da quella planta e po uschia anc ina giada verifitgar il resultat. Plinavant pon ins era clamar giu dapli infurmaziuns sur da famiglia, gener e sort da la flura u planta e cun in link ir directamain sin la pagina da Wikipedia correspundenta.

La app lavura cun ina gronda banca da datas da fotografias per cumparegliar las plantas. Quella è partida en differentas regiuns grondas sco Europa Occidentala, Canada ubain lUSA. Sviluppà è Pl@ntNet vegnì en Frantscha e per là datti era ils megliers resultats. La gronda part da las plantas chi dat en Frantscha, cahtt'ins era tar nus ed uschia era cun la app. Plantas chins chatta però mo tar nus, na san ins perquai betg adina determinar cun la app. E determinar plantas decorativas na funcziuna medemamain betg cun questa app.

Pl@ntNet datti per iOS ed Android e la app è gratuita.

Autur/a: Onna Riedi