Digitip – Evitar custs da roaming en l'exteriur

La stad è gia prest a fin, las vacanzas èn er passadas ed il quint dal telefonin – quel mussa ina surpraisa nauscha.

Legenda da maletgs: Colourbox

Temp da stad è era adina temp da vacanzas – tge datti pli bel che ir durant la stad ina duas emnas insanua sper la mar e giudair il sulegl e l'aua? Mender èsi savens cura ch'ins turna a chasa e vesa in orrent quint per il telefonin. Tge far per evitar quels custs da roaming?

  • Desister da telefonin en l'exteriur
  • Sut configuraziun tschentar or il roaming, las datas mobilas, actualisaziuns d'applicaziuns ed il sustegn da wlan cun l'internet mobil.
  • S'infurmar tar las interpresas da telecommunicaziun davart custs en il pajais da vacanzas ed opziuns supplementaras
  • Abunar internet supplementar – cumprar pachets da datas per lexteriur. Dentant attenziun: quels pon bain spert scrudar uschia ch'i dovra bainbaud puspè in nov abunament.
  • Tar vacanzas pli lungas: desister sin l'atgna carta da SIM. Cumprar ina carta da SIM en l'exteriur per la destinaziun da vacanzas. Quellas datti dapertut, saja quai tar kioscs, ports d'aviatica u ulteriuras stizuns.

A la fin vala cunzunt d'esser adina attents cura e co ch'ins dovra il telefonin en l'exteriur. Uschia pon ins svelt evitar custs supplementars.

Autur/a: Samuel Sossai