Digitip – Fitness per il tscharvè

Co sai jau trenar la memoria? Per trenar la memoria datti blers exercizis. Ma i dat era apps che pon avair in effect positiv per la fitness dal tscharvè.

app per buna memoria
Legenda da maletgs: I dat bleras apps che gidad d'activar la memoria. pixabay

Ina da quellas apps pon ins chattar en la rait sut NeuroNation - Jogging per il tscharvè. Là datti ina pluna gieus da tuttas sorts, sco p. ex. memory virtual u gieus da far quints a chau. Premissa per avair success è la regularitad: Mintga di ston ins exercitar silmain 15 minutas.

Il resultat è ina meglra memoria, i va pli tgunsch d'emprender insatge nov, ins na perda usche spert la survista ed ins po schizunt reducir stress.

Autur/a: Gabriela Desax