Digitip – La app Splitwise

I va per parter a moda raschunaivla. Giais vus regularmain cun la medema glieud a tschaina ubain forsa schizunt en vacanzas? U abitais vus en ina cuminanza d'abitar, ina uschenumnada WG? Lura è questa app insatge per vus.

La app Splitwise salva la survista dals debits
Legenda da maletgs: La app Splitwise salva la survista dals debits RTR, Sandra Carisch

Essas vus stufs d'adina stuair far or il quint quants debits che voss amis han anc ubain quant che vus avais da pajar a voss amis? La app Splitwise surpiglia quai per vus. Gist uss, durant il temp da tschaiver po questa app esser in bun cumpogn. Il sulet che vus stuais far è: dar en la summa ch'insatgi ha pajà ubain che vus havais pajà e lura quinta questa app or tgi che ha quants debits tar tgi. Voss amis han il medem mument era la survista.

Autur/a: Sandra Carisch