Digitip: Metronome beats - l'app per musicants e dirigents

Il ritmus ed il tempo èn decisivs per in toc musica u ina chanzun. Per pudair trenar u inditgar il dretg tempo dovri in metronom. Ozendi pon ins spargnar da cumprar in tal, cunquai ch'i dat era applicaziuns da metronoms.

L'applicaziun per tut questas persunas che han da far cun musica.
Legenda da maletgs: L'applicaziun per tut questas persunas che han da far cun musica. RTR

Ina da questas applicaziuns è «metronome beats». Gia la varianta gratuita è fitg survesaivla, simpla e cumpletta. Per persunas che vulan anc dapli funcziuns datti la medema applicaziun er da cumprar per 2.50 CHF.

Ils tempos dal metronom pon vegnir selecziunads a moda simpla. U far ir la roda ensi u engiu, inditgar directamain cun las cifras il tempo u variar il tempo en pass dad in, tschintg u diesch ensiu u engiu. 

Plinavant ha l'applicaziun era la pussaivladad da trenar las notas per ina singula frida (p.ex. otgavlas, triolas u sedeschavlas). E last but not least ha l'applicaziun er ina funcziun da dar en il tun. Quai è spezialmain adattà per in dirigent da chor u ils chantadurs.

Autur/a: Hugo Schär