Digitip – Prender a tschains in pensiunà

Agid per la lavur d'iert, agid per emplenir ora la declaronza da taglia u ina persuna che mira dal giat cura ch'ins è en vacanzas – quels servetschs ed anc blers auters pon ins cudischar sin la plattafurma «Rent a Rentner».

Er en pensums birocratics pon persunas pensiunadas gidar enavant.
Legenda da maletgs: Er en pensums birocratics pon persunas pensiunadas gidar enavant. Keystone

Cun in clic sin rentarentner.ch pon ins tschertgar ed engaschar persunas pensiunadas che vivan datiers dad ins e prendan giu in u l'auter pensum. Cun la purschida da «Rent a Rentner» ch'i dat er sco app per il telefonin pon persunas pensiunadas sa colliar cun autras persunas ed uschia dar enavant lur know how e gudagnar intgins daners. Da l'autra vart pon interessents dar giu in u l'auter pensum da lur mintgadi.

Autur/a: Selina Chistell