Digitip – Rimnar e sortir ideas cun mindmaps

Ils mindmaps èn nums ch'ins auda savens sch'ins ha da lavurar en furma da projects, saja quai en scola u en fatschentas. Il digitip preschenta duas apps per realisar mindmaps.

Ils logos da las duas apps, sanester MindMeister ed a dretga Mindly.
Legenda da maletgs: MAD

Las duas applicaziuns èn fitg sumegliantas. Cun omaduas pon ins crear mindmaps en il senn classic cun ils chavazzins e stritgs che collian quai che tutga ensemen.

Avantatg tar l'applicaziun Mindly è ch'ins po testar la versiun per in tschert temp, senza stuair crear in account. Tar l'applicaziun MindMeister na va quai betg. Là pon ins sulet guardar documents dentant betg elavurar els sch'ins n'ha nagin account. Omaduas apps han dentant er in guid che declera co l'app funcziuna per ch'ins possia lura er far ils emprims pass.

Per fatschentas u privat

L'app MindMeister è ina ch'ins po er crear gist per l'entira fatschenta u be per ins privat. Tut tenor datti lura abunaments pli chars u pli bunmartgads. Ma ins sto tuttacas crear in account da google per pudair crear in account tar questa applicaziun. Per parter ils cuntegns cun collavuraturs è l'app dentant fitg pratica. Ins po lura era dar liber tschertas funcziuns per collavuraturs uschia ch'els pon lura era aschuntar ideas.

L'app Mindly pon ins parter be cun persunas singulas, ma betg cun entiras gruppas.

Fotografias e documents

Tge ch'è fitg bun tar omaduas applicaziuns è ch'ins po er agiuntar fotografias e documents en il mindmap. Plinavant pon ins era far diever dals emojis ch'i dat. Quai fa fitg survesaivel la chaussa. Ed ils documents èn lura da chattar tuts en in lieu ed ins na sto betg adina ir a la tschertga anc insanuas auter.

Autur/a: Lea Livers