Digitip – Tge che las strivlas pon raquintar

Da bellaura hai adina puspè strivlas al tschiel, las strivlas da condensaziun dals aviuns. E quellas sveglian tar baininqual las mirveglias, nua pomai che quest aviun sgola. Roma, Dubai u perfin insanua en lAfrica? La app «Flight Radar 24» po dar ina resposta.

Strivlas da condensaziun sur la chadaina dal Piz Tgietschen.
Legenda da maletgs: Strivlas da condensaziun sur la chadaina dal Piz Tgietschen. Keystone

Lemprim che dat en egl cun arver «Flight Radar 24» – èn ils aviuns sin ina carta geografica. Simbols mellens per ils aviuns, e quels sa muventan vi e nà sin la carta. Sur il Grischun hai damai aviuns, cun muventar la carta vers Kloten vesi ora tut auter.

Tge ch'ins po spetgar

Cun tutgar in dals aviuns sin il visur cumparan diversas infurmaziuns. Da la societad al numer dal sgol, ina fotografia ed il tip exact da laviun, fin a la spertadad ed autezza actuala. Tar in aviun che parta da Samedan saugmenta lautezza da laviun adina pli fitg, ed era la spertadad.

En in menu pon ins eleger tge chins po vesair cun lapp. Per exempel chil num da la societad cumpari tar mintga aviun. Chaussas pli spezialas sco las infurmaziuns da cartas da sgol u la situaziun da laura, per da quellas èsi lura da pajar insatge.

Mo ina pitschna resalva

En tut fa lapp «Flight Radar 24» ina buna impressiun. Igl è simpel da navigar e lapp na preschenta betg memia bleras pussaivladads. Main flot è la reclama che cumpara detg savens.

Questa app «Flight Radar 24» datti per Android. Sumegliantas apps datti tant per Android sco era per iOS.

Autur/a: Alexi Baselgia