Digitip – Tge è tut en mes products?

Cun las duas applicaziuns «Codechek» u er «OpenFoodFacts» pon ins s'infurmar davart las ingredienzas - magari nauschas - en mangiativas.

Il code da stritgs tradescha las ingredienzas.
Legenda da maletgs: Il code da stritgs tradescha las ingredienzas. RTR. Yvonne Simmen

«Codecheck» è la varianta pli gronda. L'emprim ston ins far in scan dal code da stritgs dal product e lura infurmescha l'applicaziun davart tuttas ingredienzas. La app «codecheck» dat er infurmaziuns pli detagliadas navart substanzas nuschaivlas e declera talas. La applicaziun «OpenFoodFacts» però infurmescha be davart las ingredienzas.

Valitaziun dad ingredienzas

Omaduas apps valiteschan er las ingredienzas. «Codecheck» mussa per exempel in rudè da colur. Sche quel è dal tut verd lura è tut bun. Il pli savens è dentant ina part cotschna u oranscha, lura cuntegn quest product er substanzas nuschaivlas. Ina tavla tschigulatta p. ex. bler gras e zutger; tar l'aua dutscha cun gust da citrona fa l'acid quitads ch'el possia far donn als dents.

Dischavantatgs: far in conto, reclama, funtaunas

Omaduas apps funcziunan meglier sch'ins fa in conto. Lura èn las applicaziuns bain gratuitas, ma la blera reclama disturba bainsavens. La finala n'èsi betg transparent danunder che las applicaziuns prendan lur infurmaziun. Dal tut na pon ins pia betg sa fidar da talas apps.

Autur/a: Yvonne Simmen