Digitip – «Triff» – far dapli ensemen

Tgi che na vul betg adina ir a gentar en ustarias u cantinas, ha cun la app «Triff» la pussaivladad dad ir a gentar tar persunas privatas ed uschia er gist dad empender d'enconuscher nova glieud. Dasperas porscha la app er la pussaivladad d'organisar sez activitads communablas.

Ir a tschaina cun la app «Triff».
Legenda da maletgs: Ir a tschaina cun la app «Triff». Keystone

In gentar communabel, ina festa u ina spassegiada – tut quai san ins organisar fitg simpel cun agid da la app Triff. Cun Triff pon ins envidar u s'entupar cun autra glieud spontan, cura ch'ins ha temp – en in'ura u er pir en in mais.

Ins po abunar Triff cun persunas che vivan en vischinanza, en lieus nua ch'ins sa chatta regularmain u era pli lunsch davent. Ins po emprender d'enconuscher nova glieud – a chasa u en in'autra citad. L'app vul simplamain gidar a moda fitg simpla da far dapli ensemen.

Autur/a: Corina Luck