Digitip – «Video Download Helper» e «Youtube Video Downloader»

Cun agid da Addon's è i pussaivel da chargiar giu videos u be il tun ord l'internet. Per far quai ston ins be chargiar giu l'Addon «Video Download Helper» u «Video Downloader» – duas funcziuns supplementaras per Google Chrome, Firefox u Opera.

L'Addon «Video Download Helper»
Legenda da maletgs: L'Addon «Video Download Helper» RTR

Ma co funcziuna quai? L'emprim ston ins chargiar giu ed installar ils Addon's – pia per exempel il «Video Download Helper» u il «Youtube Video Downloader». Cun il browser Firefox s'installescha la funcziun bunamain automaticamain: Ins sto mo chargiar ed avrir ella. Tar Google Chrome ston ins arcunar igl emprim l'ordinatur ch'ins ha gist chargià e lura ir el menu sut «weitere Tools, Erweiterungen». Lura trair lordinatur en la fanestra «Erweiterungen».

Suenter l'installaziun gartegiada sa chatta in buttun nov u gest sut il video da Youtube u sisum el chantun dretg. Cun in clic sin il buttun s'avra ina elecziun dad opziuns per chargiar giu il video. I vala la devisa d'experimentar in zichel cun las funcziuns.

Tge addon per tge browser?

Avant che chargiar giu è i impurtant da eleger il dretg Addon per il browser giavischà. Pia firefox, google chrome u opera. Damai chins na sa be adina chargiar giu tut las grondezzas e formats mai cun in Addon, vala ì la paina dad installar omadus. Il «Video Download Helper» funcziuna bain ensemen cun Firefox e Google Chrome. Il «Youtube Video Downloader» è pli adattà per Google Chrome. Per il browser Internet Explorer na datti be ils dus Addons.

Autur/a: Gion Gieri Flepp