Il cumpliment

Cumpliments èn bels pleds cun grond effect. Adina puspè entaup'ins glieud ch'avess merità tals pleds: la vendidra dal Volg che serva adina cun in surrir, l'amia che gida en il perchasa, il vischin che dat da magliar al giat u simplamain insatgi che merita daditg in cumpliment che fa bain al cor.

Fluras cun scrittira far in cumpliment ad insatgi.
Legenda da maletgs: RTR gida – per che cumpliments na vegnian betg a la curta. RTR

Quest'emna retschaiva Christa Seiler il cumpliment. Quel fa sia figlia Chiara, che engrazia a sia mamma per tut quai ch'ella ha fatg – davent dal cuschinar, sur il far si letg fin tar il lavar resti.

Faschai er part!

Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar a RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.