Il cumpliment

Cumpliments èn bels pleds cun grond effect. Adina puspè entaup'ins glieud ch'avess merità tals pleds: la vendidra en stizun che serva adina cun in surrir, l'amia che gida en il perchasa, il vischin che dat da magliar al giat u simplamain insatgi che merita daditg in cumpliment che fa bain al cor.

Fluras cun scrittira far in cumpliment ad insatgi.
Legenda da maletgs: RTR gida – per che cumpliments na vegnian betg a la curta. RTR

Il cumpliment dad oz va a Linard e Ladina Godly da Brail. Ad els engrazia Claudio Camichel e sia famiglia da Zuoz en spezial a Ladina che tut ils giavischs vegnian ademplids ed ella fetschia tut per ch'i giaja bain ad els.

Faschai er Vus part! Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.

Audituras ed auditurs pon annunziar a RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.