Il cumpliment

Cumpliments èn bels pleds cun grond effect. Adina puspè entaup'ins glieud ch'avessan merità tals pleds: la vendidra dal Volg che serva adina cun in surrir, l'amia che gida en il perchasa, il vischin che dat da magliar al giat u simplamain insatgi che merita daditg in cumpliment che fa bain al cor.

Il cumpliment sin RTR
Legenda da maletgs: Il cumpliment sin RTR RTR

Il cumpliment dad oz va a Simona Caviezel, la presidenta da l'uniun da teater Cuschnaus. Ursin Derungs da l'uniun vul far in grond cumpliment a tut ils commembers da l'uniun che sa gidan era davos las culissas. Els na survegnan betg adina in grond applaus sco ils giugaders. Perquai sin questa via in engraziel fitg.

Faschai era part

Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.

Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.

Autur/a: RTR