Il Digitip – Co emplenir ora in PDF?

Adina puspè survegn ins documents da pdf tramess tiers ch'ins stuess emplenir ora e trametter enavos. Il Digitip declera co ins fa quai.

Adina pli savens datti formulars electronics.
Legenda da maletgs: Adina pli savens datti formulars electronics. colourbox

La versiun pli simpla per elavurar in document da PDF è d'avrir quel cun il program word e betg cun in PDF reader. Uschia èsi pussibel dad emplenir ora per exempel in questiunari. Sch'ins n'ha dentant anc betg la pli nova versiun da Word, lura datti versiuns gratuitas d'office. L'Open Office per exempel pon ins chargiar giu ed obtegn uschia ina versiun da Word che po avrir il pdf. In'autra varianta è da chargiar giu il program «ExpertPDF». Cun quel pos ti medemamanin avrir il pdf, cumplettar el e trametter anavos.

Ultra da quai datti era la pussaivladad da chargiar il document sin la pagina d'internet web-service. Quella creescha lura in document da Word e trametta a ti quel per e-mail. Per infurmaziuns delicatas che betg mintgin duess vesair, n'è questa varianta però betg adattada.

E natiralmain datti era ina app per schliar quest problem. Quella ha num «Write on PDF». Cun quella sas ti emplenir ora in formular ed ultra da quai er scriver en atgnas notizias en il document e parter quel suenter cun tgi che ti vul.

Autur/a: Gionduri Maissen / Onna Riedi