La cifra – 11 milliardas

Il nov rapport da l'ONU mussa ch'i pudess l'onn 2100 avair 11 milliardas persunas sin il mund. Il rapport sa basa sin ina valitaziun da 235 pajais e regiuns.

-
Legenda da maletgs: Tenor il rapport da l'ONU vegnan ils blers a viver en l'India. Keystone

Tenor la ONU vegn la mesadad da la populaziun a viver en sulettamain 10 pajais. Il pajais cun ils pli blers abitants vegn ad esser l'India. Ozendi ha la China ils pli blers abitants. Il pli fitg s'augmenta il dumber da la populaziun en ils pajais da l'Africa. L'Africa ha numnadamain in fitg aut dumber da naschientschas.

Il pajais che perda tenor il rapport ils pli blers abitants è l'Albania. Motiv principal per quest svilup è l'aspectativa da vita. Ils umans vegnan adina pli e pli vegls. Las cifras dal rapport da l'ONU sa basan dentant sin ina valitaziun. Co il mund vegn propi a vesair ora l'onn 2100 dependa era dad auter facturs.

Autur/a: Anna Selina Quinter