La cifra – 20'000 forzas da segirtad

A chaschun da l'inscunter suprem G-20 a Hamburg da quest'emna èn total 20'000 policistas e policists en acziun.

Gia avant l’inscunter ha quai dà demonstraziuns en la citad da Hamburg.
Legenda da maletgs: Gia avant l’inscunter ha quai dà demonstraziuns en la citad da Hamburg. Keystone

En tut sajan quai 15'000 policistas e policists ordinaris, 4'000 policists da la polizia federala e circa 1'000 policists da la polizia criminala. Cunzunt vegnia fatg quint cun cravals sin las vias da Hamburg. La polizia quinta cun 7'000 enfin 8'000 persunas che fan part a protestas e demonstraziuns quels dis da l'inscunter. Il minister da l'intern tudestg less per tut pretsch impedir inquietezzas e violenza. Era pervia da l'aut privel d'attatgas terroristicas sajan uschè bleras forzas da segirtad necessarias.

Autur/a: Selina Chistell