La cifra – 3'000 liters

Oz organisescha la «Schweizer Tafel» il di naziunal da la schuppa. Durant quel vegn, tenor l'organisaziun caritativa, repartì var 3'000 liters schuppa. 

In da blers plats da schuppa che vegnan repartids durant il di naziunal da schuppa.
Legenda da maletgs: In da blers plats da schuppa che vegnan repartids durant il di naziunal da schuppa. Keystone

En 18 lieus porscha la «Schweizer Tafel» a mintgin in plat schuppa chauda. La schuppa na saja dentant betg mo ina simpla buglion. Plirs cuschinunz e cuschinunzas da restaurants ed hotels renumnads hajan fatg quella. Vinavant stan prominents e prominentas da politica, medias e cultura en acziun cun il chaz. Sper repartir in past chaud vul la «Schweizer Tafel» dentant er rimnar raps.

Mintga di rimna l'organisaziun caritativa var 16 tonnas mangiativas e repartan quellas a canortas u mensas socialas. Quai custa dentant. Perquai ch'els sa finanzieschan surtut da donnaziuns, emprovan els cun il di da la schuppa naziunala far attent sin lur lavur.

Autur/a: Flurin Clalüna