La cifra – 30

30 persunas da la Svizra han enfin uss survegnì in Premi nobel. Betg inclus en quella cifra èn las organisaziuns cun sez en Svizra.

La medaglia dal Premi Nobel.
Legenda da maletgs: La medaglia dal Premi Nobel. Keystone

Il pli ferm èn ils svizzers sco i para en las categorias medischina, chemia e – cun ils dus novs premis da quest'emna – fisica. Nov persunas han fin uss survegnì ina onuraziun per perscrutaziuns en la medischina. Mintgamai otg persunas han survegnì in premi per chemia e fisica. Tar ils Premis Nobels da la pasch èn fin uss trais persunas vegnidas onuradas – quai gist ils onns 1901 e 1902. Vinavant han diversas organisaziuns cun sedia en Svizra survegnì il premi prestigius

Pli pauc success han gì ils scripturs da la Svizra. Mo duas persunas han entant survegnì il Premi Nobel da litteratura: Hermann Hesse e Carl Friedrich Georg Spitteler. Hermann Hesse è dentant da naziunalitad dubla.

Autur/a: Flurin Clalüna