La cifra - 35 milliuns tweets davart las elecziuns en l'America

Twitter ha communitgà a las 21:00 uras temp american (03:00 uras temp svizzer) ch'i haja dà 35 milliuns tweets en connex cun las elecziuns. Quai è in nov record. Fin qua era quel tar radund 31 milliuns tweets tar las elecziuns dal president il 2012.

Icona da Twitter
Legenda da maletgs: Passa 35 milliuns tweets davart las elecziuns - in nov record. Keystone

Passa 35 milliuns tweets. Ma pertge tant traffic sin Twitter e betg sin Facebook? Tenor la gasetta USA Today ha quai da far cun il fatg che cunzunt ils Americans dovra Facebook principalmain per restar en contact cun amis e collegas e per parter interess persunals. Twitter percunter nizzegian ils blers per s'infurmar e discutar sur da quai che capita gist en il mument.

Er prominenza grischuna è s'exprimida via Twitter davart l'elecziun da Donald Trump sco president.

Il rappunz Gimma: «Es werden übrigens grad ein paar Maurer-Jobs in Mexiko und Kanada vergeben, falls jemand Bock hat.»

La cussegliera guvernativa Barbara Janom Steiner: «Was für ein schwarzer Tag! Der Albtraum geht weiter.»

Autur/a: RTR/ggf