La cifra – 485 milliuns

Tants kilometers è il roboter «InSight» viagià per arrivar sin il planet Mars. Perquai è el stà bunamain in mez on sin viadi, e quai cun far plirs millis kilometers l'ura. Glindesdi saira è el sa platgà sin il Mars.

Legenda da maletgs: NASA

Vi dal project «InSight» han era lavurà divers Svizzers. Installada sin il roboter è per exempel l'electronica per in seismograf, sviluppada da l'ETH a Turitg. Cun il seismograf vul ins chattar ora meglier, co la surfatscha dal Mars guarda ora.

Cun questas datas vulan perscrutaders plinavant chattar ora dapli davart l'istorgia dals planets. Tenor il schef-perscrutader da la NASA Thomas Zurbuchen (era in Svizzer), pudess ins duvrar la nova savida per preparar missiuns spazialas equipadas. Dapli ch'ins sappia dal planet, e pli facil ch'i fiss per umans da surviver sin il planet cotschen.

Autur/a: Flurin Clalüna