La cifra – 5 emprendists da spazzachamin

Quatter giuvens ed ina giuvna absolveschan actualmain l'emprendissadi da spazzachamin en il Grischun.

Er quai tutga tar la lavur dal spazzachamin.
Legenda da maletgs: Er quai tutga tar la lavur dal spazzachamin. Keystone

Ils emprendists da spazzachamin van a scola a Rorschach e quai durant trais onns, in di ad emna. Els emprendan là tranter auter, co els han da controllar las pignas ed els vegnan er sensibilisads fitg da proteger lur sanadad. Cunzunt il fulin e las chemicalias per nettegiar pon numnadamain far donns da sanadad.

Tenor Nathan Halter, il responsabel per ils emprendists tar l'uniun chantunala da spazzachamins, pudess quai vertir dapli emprendists. Ideal fissan trais fin quatter per onn. Dentant la cifra sa mida dad onn tar onn. Gist l'onn passà han numnadamain quatter emprendists terminà lur emprendissadi.

Autur/a: Prisca Bundi