La cifra – 50 onns ovra atomara Beznau I

L'ovra atomara Beznau I
Legenda da maletgs: Keystone

Il reactur 1 da l'ovra atomara Beznau è il pli vegl da la Svizra, ed ensemen cun quatter ulteriurs (en l'India ed en ils Stadis Unids) il pli vegl sin l'entir mund. Be trais onns suenter Beznau I ha Beznau II cumenzà a producir energia. Ensemen produceschan ils reacturs 6'000 uras gigawatt forza electrica. Quai tanscha per cuvrir duas giadas l'entir consum d'energia da la citad da Turitg.

50 onns ovra atomara Beznau, con ditg anc, gliez è intschert. La Svizra vul cun sia strategia d'energia 2050 pass per pass sortir da l'energia atomara. Sco emprima, vegn anc avant Nadal l'ovra da Mühleberg prendida da la rait.

Autur/a: Georgina Janki