La cifra – 552 carats

En il nord dal Canada han lavurers chattà in diamant da 552 carats. Quai è il pli grond diamant ch'ins ha ina giada chattà en l'America dal Nord.

Cun 552 carats è quai il pli grond diamant chattà en l'America dal Nord.
Legenda da maletgs: Cun 552 carats è quai il pli grond diamant chattà en l'America dal Nord. Dominion Diamond Mines

En la mina Diavik ch'è 220 kilometers en il sid dal circul polar han miniers chattà in diamant da 552 carats. Quai correspunda ad in pais da bun 110 grams – il diamant è mellen ed ha la grondezza d'in ov da giaglina.

Nunusità en il nord

Ina scuverta d'in diamant da tal pais è nunusità en il nord. Diamants gronds vegnan cunzunt avant en il sid. Spezialmain en il sid da l'Africa. Uschia han ins chattà ils pli gronds diamants insumma a Botswana u er en l'Africa dal Sid.

Autur/a: Selina Chsitell