La cifra – 783

En uschè blers pleds ha Alfred Nobel formulà en scrit ses testament. En quel stat scret, ch'el vul ina fundaziun che premiescha persunas che fan insatge bun per l'umanitad.

Legenda da maletgs: Wikimedia Commons

Pertge ch'il Svedais Alfred Nobel vuleva che ses raps giajan a favur da scienzads e bainfatturs, n'è betg sclerì. In motiv pussibel pudess esser la schletta conscienza. Alfred Nobel ha numnadamain inventà il dinamit. Quel ha dad ina vart purtà grond progress en las minieras. Da l'autra vart è dinamit er in'arma fitg brutala. Nobel aveva tema, che sia invenziun fetschia dapli donn a l'umanitad, che quai ch'ella gidia.


In'autra pussaivladad: Tenor il magazin renumà «Life Science» carteva Alfred Nobel, che las persunas ch'ertian, daventian lieders. Cun in premi vegnissan dentant premiads quels, ch'han gia prestà insatge.

Autur/a: Flurin Clalüna