La cifra – 8,5 milliuns

Tenor l'Uffizi federal da statistica è la populaziun svizra creschida da l'onn 2017 fin l'onn 2018 per 0,7% – vul dir per 60'400 persunas. La pli pitschna carschen dapi diesch onns.

Levamain è la populaziun creschida er en Grischun, numnadamain per 0,25%. Uschia dumbra il chantun Grischun radund 198'000 abitants ed abitantas. Creschida lev sur la media è la populaziun da las regiuns Viamala e Moesa. Pers levamain abitants han l'Engiadina e la regiun dal Bernina.

Autur/a: Carin Caduff