Siglir tar il cuntegn

Header

Navigaziun

Um giuven arva stgaffa fraida.
Legenda: Toni e sia vita controllada da la vusch ord il app – quai è il cuntegn dal film curt dals trais students da la HTW a Cuira. mad, https://www.youtube.com/watch?v=Io_TF2haAmE&feature=youtu.be
cuntegn

Apps da fitness Schanza per la sanadad – privel per las datas

Apps da fitness sin il telefonin gidan da tgirar l'atgna fitness – els tschitschan dentant er giu datas. Per mussar quest connex han trais students da la HTW da Cuira fatg in film curt. Quel è vegnì premià ils 5 da zercladur da l'Uniun da protecturs tudestgs da datas a Berlin.

Co statti questa damaun cun vossas valurs da sanadad? E quants pass avais vus gia fatg? Dumondas ch'adina daplirs da nus sa laschan respunder dad apps da fitness gratuitas. Chaschas d'amalats empermettan schizunt rebass sin premias sch'ins sa tegna vi da quai che l'app cusseglia – e perquai èn apps da fitness en il trend.
Davos la surfatscha bainvulenta sa zuppa dentant l'affar cun datas: Er questas apps dattan be da crair dad esser gratuitas. Er qua, ina giada dapli, pajain nus cun nossas datas. Anc adina è quai enconuschent a bler memia paucs.
Precis qua vulan sensibilisar trais students da la scola ota HTW a Cuira. Perquai han Meret Kaufmann, Gion Hunziker e Nicolas Zürcher fatg in film curt. Quel film è grategià uschia bain ch'el ha gudagnà ils 5 da zercladur il premi da l'Uniun dals protecturs tudestgs da datas a Berlin.

RR Digitip 10:15