Suvlaki, Gyros e Capretta – Feijoada

Maria Cathomas-Da Silva da Breil è oriunda da São Martinho das Chãs en il nord dal Portugal. Qua preschenta ella la Feijoada ch'è ina spezialitad tradiziunala en il Portugal, dentant er en divers pajais da l'America latina, per exempel en il Mexico u en la Brasilia.

Suvlaki, Gyros e Capretta
Legenda da maletgs: Suvlaki, Gyros e Capretta. RTR

Per la Feijoada ord la regiun dal Douro en il nord dal Portugal dovra Maria Cathomas-Da Silva la fava alva pitschna. La Feijoada vegn preparada cun charn portg e liongias ed er cun verdura da la stagiun u cun la verdura ch'ins ha il pli gugent. Feijoada vegn servì ord in vasch e dosta fomaz.

Autur/a: Marionna Lombriser