Suvlaki, Gyros e Capretta – «Fli»

 Elbenita Sylaj cuschina gugent spaisas svizras e dal Cosovo.

Elbenita Sylaj e sia famiglia
Legenda da maletgs: La cuschina dal Cosovo – cun Elbenita Sylaj. RTR Ivo Orlik

Tenor statistica datti ca. 200'000 persunas en Svizra che discurran albanais. Ina dad ellas è la Elbenita Sylaj, ella stat a Sargans, ha 27 onns, è creschida si a Rabius ed ha ina poppa da 4 mais.

La dunna giuvna è oriunda dal Cosovo e cuschina gugent las spaisas dad omadus pajais, da la Svizra e dal Cosovo.

Ella cuschina gugent menus tradiziunals per sia famiglia, la cuschina grischuna ha ella il pli gugent. Oz preschenta ella a nus insatge tradiziunal dal Cosovo. Ivo Orlik ha discurrì cun la giuvna mamma.

Redacziun: Ivo Orlik