Siglir tar il cuntegn
cuntegn

Suvlaki, Gyros e Capretta Tratgas da la Croazia – cun Ruza Defuns Petrusic

En «Tips, trics e tacs» dal mais d'october ans preschenta Ruza Defuns spaisas tipicas da sia patria nativa, da la Croazia. La cuschina da la Croazia è influenzada da la cultura culinarica da l'Ungaria, ma er da l'Austria.

Ruza Defuns sesa sin in stgalim avant sia chasa, en maun il microfon da RTR.
Legenda: Ruza Defuns sesa davant sia chasa a Darvella. RTR, Gaby Degonda

Ruza Defuns Petrusic è naschida e creschida si a Velica, in vitg 180 km en l'ost da la chapitala Zagreb. La dunna da 56 onns è vegnida en Svizra per lavurar. Cun 19 onns è ella arrivada a Trun, nua ch'ella ha lavurà passa trais onns en la fabrica da Trun sco cusunza. A Trun Darvella ha ella chattà la gronda amur.

Ruza Defuns e ses um Adalbert Defuns han maridà avant passa 34 onns. Ensemen han els trais figls creschids. Malgrà ch'els na vivan betg pli en chasa paterna, sa legran els adina da pudair turnar a chasa per giudair las bunas spaisas che lur mamma cuschina. Ruza Defuns è ina cuschiniera passiunada ed ella puprogna gugent famiglia e visitas.

ina charta da la Croazia
Legenda: La Croazia google

RR Tips, trics e tacs 10:15