Siglir tar il cuntegn
cuntegn

Suvlaki, Gyros e Capretta Tratgas da la Germania cun Martin Pfeiffer

Quest mais da december preschenta Martin Pfeiffer spezialitads da la Germania che han tradiziun en sia famiglia. Tranter quellas er «Westfälischer Sauerbraten», il brassà en asch che Martin Pfeiffer fa adina tranter Nadal e Bumaun per var 20 persunas.

Martin Pfeiffer da Dortmund che cuschina gugent per sia famiglia.
Legenda: Martin Pfeiffer RTR, Marionna Lombriser

Martin Pfeiffer è oriund da Dortmund. Il 1994 è l'inschigner da maschinas vegnì en Svizra. Uss abita el ad Uznach en il chantun Son Gagl ed è manader tecnic en in'interpresa che sviluppescha, producescha ed exportescha maschinas per l'industria chemica e farmaceutica.

Martin Pfeiffer ha emprendì rumantsch tras sia dunna e cun ses uffants ch'èn uss creschids, ed el sa era tschantschar da dar troccas. Ses temp liber passenta el gugent sin il lai da Turitg en sia bartga a vela, e durant la stad fa Martin Pfeiffer part a regattas. D'enviern è el savens cun ils skis sin pista en Surselva.

L'inschigner da la Germania sa metta cunzunt las fins d'emna cun plaschair en cuschina per pupragnar sia famiglia cun menus gustus.

Dortmund en Germania