Cesar Costa è naschì a Barcelos en la provinza da Braga che sa chatta al nord da Portugal. Cun 23 onns ha el decidì da tschertgar lavur en Svizra. Ensemen cun sia amia Maria Susanna ch'è uss sia dunna en els arrivads a Sedrun ed els en restads qua. En il fratemp èn Cesar Costa e sia dunna, geniturs da Afonso ch'ha 8 onns. Cesar Costa sa regorda fitg gugent vid ils diesch onns ch'el ha lavurà en la cuschina da l’hotel La Val a Rueras. Dapi il matg 2018 maina il cuschinier da 41 onns l’ustaria dal Bogn Sedrun nua ch'el maldisa sia clientella cun sias atgnas creaziuns, cun tratgas tipicas dal Portugal ma era spaisas indigenas sco capuns. Tar tut la lavur en l’ustaria e la famiglia, chatta Cesar Costa era temp per far turas cun sia «Ducati Panigale». Cursas da «Moto GP» al lieu u a la televisiun na manchenta el mai.
Tratgas dal Portugal cun Cesar Costa
En «Tips, trics e tacs» dal mais da settember preschenta Cesar Costa spezialitads dal Portugal. Tranter quellas preschenta el il «Pastels da Belém», ina turta dultscha ch'è appreziada en tut il Portugal sco dultscharia, per ensolver u per marenda tar il café.
Parter
Parter