20 onns festa sin il stradun a Scuol

Ina purschida da stad per il giast, quai era la finamira dal directur da turissem da Scuol da lezzas uras, Roland Huber. Oz è quai ina festa tradiziunala per giasts ed indigens – la festa sin il stradun.

In dals radund 40 stans da la festa sin il stradun
Legenda da maletgs: In stan da martgà a la festa sin il stradun a Scuol Urs Lechthaler, president d'organisaziun

Scuol porscha memia pac per il giast durant la stad, perquai aveva l'iniziant Roland Huber, quella giada il directur da turissem a Scuol gì lidea da realisar ina festa entamez la vischnanca da Scuol.

Or d'ina purschida turistica e daventà la festa sin il stradun, ina festa per indigens e giasts. Fin 7'000 persunas attira la festa amez Scuol. Tranter 30 e 40 stans da products indigens da mangiativas, vestgadira, giugarets ma era carussels, musica e restauraziun.

Cuntanschì la finamira

Il president dal comité d'organisaziun, Urs Lechthaler, è da la partida dapi l'entschatta. El è persvadì da la purschida ed era da l'idea fundamentala, numnadamain d'unir giast ed indigen tar ina festa.

Autur/a: Georg Luzzi