Siglir tar il cuntegn

Header

audio
Ils organisaturs cun la prominenza da sport.
RTR, Anna Caprez
laschar ir. Durada: 3 minutas 25 Secundas.
cuntegn

50avel «Giro del Lago» – giuvens duain sa mover

Per render attent sin l'attractivitad da la cursa lung la riva dal Lago di Poschiavo, han ils organisaturs envidà las trais soras Gasparin a l'eveniment da giubileum.

La societad da gimnastica ha envidà 5 persunalitads internaziunalas a la 50avla ediziun dal «Giro del Lago». Sper las soras Gasparin ed Ilya Chernousov ha er l'anteriur passlunghist Andi Grünenfelder referì davart ils numerus avantatgs ch'il sport ha per la sanadad.

Occurrenza per giuven e vegl

Sco il commember dal comité dorganisaziun, Donato Fanconi ha declerà a RTR, saja la finamira d'animar surtut la giuventetgna da sa muventar durant il temp liber. Uschia possian ins prestar buna lavur da prevenziun.

Buna participaziun

Passa 200 curriders e curridras èn sa participads al «50. Giro del Lago». Ultra da quai èn er sa mesirads 150 uffants tranter 5 e 16 onns en differentas cursas pli curtas. Il traject da la cursa na maina betg pli dal tut enturn il lai da Poschiavo. Ord motivs da segirezza ha la cursa in pau in auter traject, ella è dentant anc adina 11 km lunga.

Dapli da «Total local»

Scrollar a sanestra Scrollar a dretga