Siglir tar il cuntegn

Header

audio
L'ustaria Belfort ad Alvagni ha chattà ina ustiera.
RTR, F. Belotti
laschar ir. Durada: 3 minutas 49 Secundas.
cuntegn

Alvagni: Chattà successiun per il hotel Belfort

Ursula Wilhelm che maina la Sportlodge Las Stailas a Lantsch, maina a partir da l'emprim da december il hotel Belfort ad Alvagni. Quai ha ditg Markus Beer (67), il hotelier vertent che va en pensiun suenter ch'el e sia dunna han manà durant 39 onns il hotel.

La nov'ustiera Ursula Wilhelm deriva da Vienna en l'Austria. Avant 25 onns è ella vegnida en Svizra ed ha lavurà blers onns en Engiadin'Ota, avant ch'ella ha surpiglìa la Sportlodge Stailas a Lantsch, ha ella manà durant tschintg onns l'albiert per la giuventetgna a Valbella.

Cun il possessur dal hotel Belfort Markus Beer, ha ella fatg in contract da fittanza per tschintg onns. Sco quai ch'ella ha ditg, nexcluda ella il mument era betg da pli tard ina giada cumparar il hotel.

En las lingias grassas è il hotel Belfort vegnì avant var dus onns, nua ch'igl è vegnì tschertgà in cumprader per l'hotel sur la plattafurma d'aucziuns da Ricardo. Bain è l'hotel betg vegnì vendì sur la plattafurma d'internet, sco quai che Markus Beer ha ditg. El haja però gì differents giasts en l'hotel ch'èn vegnids attents sin ses hotel sur l'aucziun da ricardo.ch.

Dapli da «Total local»

Scrollar a sanestra Scrollar a dretga