Andeer: La baselgia è renovada

La baselgia evangelica dAndeer è vegnida renovada. En quest mument ha ella era survegnì in nov access cun in ascensur. Plinavant hai dà duas tualettas davant la baselgia, ed in nov tetg per dis da plievgia.

La baselgia refurmada d'Andeer.
Legenda da maletgs: La baselgia refurmada d'Andeer. RTR, Federico Belotti

Sco quai che Peider Ganzoni, il president da la cumissiun da fabrica ha ditg, quintan els cun custs da renovaziun da passa 2.5 milliuns francs. Finanzià la renovaziun han la vischnanca dAndeer, il cumin baselgia, il chantun, la baselgia chantunala ed il Fond da solidaritad Svizzer.

Trais dis festa

En connex cun la renovaziun da la baselgia datti ina festa da trais dis. Quella dura da venderdi ils 26 davust enfin dumengia ils 28 davust. Il venderdi envida lUniun dals mats ad ina sairada cun musica en la tenda da festa sin il parcadi grond. La sonda èn envidads tut ils confirmands chèn ina giada vegnids confirmads en la baselgia. Dals 500 dumandads èn sannunziadas radund 300 persunas, ha ditg Peider Ganzoni. Linauguraziun uffiziala da la baselgia è la dumengia.

Autur/a: RTR/fb/ba