Andeer: Lavurà 35 onns per il bogn

Ernst Barandun, il manader da fatschenta dal bogn Andeer, va en pensiun la fin schaner. Dapi ch'i dat il bogn, lavura el per il bogn. L'emprim anc sco manader tecnic e suenter durant 32 onns sco manader da fatschenta.

Ernst Barandun che va en pensiun
Legenda da maletgs: Ernst Barandun che va en pensiun RTR, Federico Belotti

Successur dad Ernst Barandun daventa Addi van Gent, che viva e lavura gia dapi blers onns en la hotellaria en Val Schons. Cun la pensiun dad Ernst Barandun datti era ina reorganisaziun entaifer la fatschenta. Uschia maina Van Gent era il retschaviment. Ultra da quai vegn el ad esser responsabel pli ferm per l'assistenza dals giasts. Barandun era plitost spezialisà sin la tecnica ed auters affars.

Laschar ir video «Reavertura dal Bogn da cura ad Andeer il 1982 (TSG dals 24.7.1982)»

Reavertura dal Bogn da cura ad Andeer il 1982 (TSG dals 24.7.1...

2:51 min, dals 24.7.1982

Autur/a: Federico Belotti / Sandra Carisch