L'autur Valentin Vincenz raquinta en ses cudesch da nums «Zwischen Péz Fluaz und La Pella» las istorgias tar il nums. Uschia daventa il cudesch da nums in cudesch da listorgia dal vitg.
Quartiers tenor las funtaunas
Andiast era partì en squadras (quartiers), quels avevan da far cun las funtaunas dal vitg, e cun ils dretgs da duvrar quellas. Tar il num Andiast ha era el stuì capitular. Quai saja in num pli vegl chil linguatg celt ni il latin. Perquai na saja quai betg reussì ad el da chattar la muntada da quel.
A la preschentaziun dal cudesch da nums dAndiast en bunamain 200 persunas stadas preschentas. Esters ed indigens paran davair interess per ils nums dal vitg dAndiast. La Pro Andiast ha envidà a la preschentaziun ed ha era sustegnì il cudesch da nums da Valentin Vincenz. Sco quai che el ha ditg, saja quai era ina da las raschuns principalas chil cudesch «Zwischen Péz Fluaz und La Pella» saja fatg per tudestg. Inulteriura raschun è chil chantun Son Gagl haja sustegì il cudesch cun dapli daners chil chantun Grischun. Quai perquai che Valentin Vincenz viva gia daditg a Buchs en il chantun Son Gagl. Plinavant ha el era gia fatg plirs cudeschs da nums en vischnancas songagliaisas.