Ardez: Il Mas-chalch vegn danovamain introducì

Dapi la fusiun da la vischnanca d'Ardez cun Scuol e conturn è i a perder il Mas-chalch - il fegl d'infurmaziun communal.

Il Mas-chalch.
Legenda da maletgs: Il fegl d'infurmaziun d'Ardez vegn reactivà. RTR, R. Mayer

Dacurt ha il cusseglier communal d'Ardez Man Janett envidà la populaziun ad ina discussiun al tavulin. L'interess è stà grond. Radund 40 persunas en vegnidas a questa sairada. La finamira era da discutar, co vinavant cun la vita sociala en la fracziun d'Ardez. Il resultat, il grond giavisch è da reactivar puspè il Mas-chalch. Quest fegl d'infurmaziun era gia avant la fusiun in impurtant mez per communitgar las activitads da societads ed autras instituziun en vischnanca. Il nov Mas-chalch duess vegnir edì tenor basegn ed en ina furma pli simpla.
Redacziun: Reto Mayer

Autur/a: RTR/oc