Bivio survegn in negozi pli grond

Gia plirs onns è il consum Alvra-Surses sin la tschertga da novas localitads per ses negozi da Bivio. Il november duai il negozi dischlocar en lanteriur Silvia Sport. In credit da 500000 francs per renovar las localitads ha la Societad cooperativa Consum Alvra-Surses approvà la mesemna saira.

Anc quest onn pudess la butia da Bivio midar edifizi.
Legenda da maletgs: Anc quest onn pudess la butia da Bivio midar edifizi. RTR, Federico Belotti

Lonn 2017 ha il negozi Prima da Bivio fatg ina svieuta da 681'451 francs. Guardà sin la svieuta per meter quadrat è quai cun 9'725 francs dapli che las filialas da Lantsch, Riom ed Alvagni han fatg. Mo il Top Shop da Casti ha cun 14'620 francs ina svieuta pli gronda per meter quadrat. Il Consum Alvra-Surses vul renovar la nova filiala da Bivio durant la stad, uschia chil nov negozi pudess avrir il november. Ils custs da renovaziun muntan a maximalmain in mez milliun francs. Il Consum Alvra-Surses spera anc sin sustegn finanzial dad autras varts.

Da nov cun bistro e posta

Durant las lavurs resta la filiala veglia, il Prima Shop averta. Il nov negozi duess esser ina filiala dal Volg, cun in sortiment pli grond ch'il Prima Shop. En la nova filiala datti plinavant in bistro ed ina servetsch da posta, cun quai che la posta da Bivio vegn a serrar.

Autur/a: Federico Belotti